Friday, August 21, 2009

Ano Ba Ang Mas Tamang Gawin?

Sa pagnanais na magmahal, sa pag-aakalang naintindihan ang mga bagay-bagay sapagkat nasa hustong gulang na, nakamali ako. Nais ko lang namang matutuo kayo sa mga nakaraan ng iba, dun sa mga nakaeksperyensya na. Tulad ng nabanggit ng tatay ko noon "do not reinvent the wheel"! Wag na sanang subukin pa ang mga bagay na nasubukan na ng iba at nagdulot ng sakit. Ngunit kahit sa pagkakataong ito "experience is still the best teacher" sapagkat hindi nga naman matututo ang isang tao kung hindi sya mismo ang nakakit, nakaramdam, at sumubok nito.

Akala ko kasi dahil nasa iisang kumunidad tayo, nakikinig sa parehong turo, e maiintindihan ang paraan ng pagtama sa bagay na mali.

Noon akala ko din mali ang aking nagawa nang pagsabihan namin kayong wag nyo muna ituloy yan, mali kasi, hindi malaya ang isa sa inyo. Nagalit kayo sapagkat bakit nga ba kelangan kong makialam sa nais ninyo. Nang humusto ang mga pagkakataon sa inyo, ano ang nasaksihan ninyo mula sa akin, suporta! Na sa kabila naman ng pag-away ng iba sa inyong relasyon, ako'y tahimik na sumuporta? Ngunit sadyang di pa nga sumasaang-ayon sa inyo ang pagkakataon kayat nagpasya kayong maghiwalay. Anong narinig mo sa akin, wala! Tahimik lang akong nasaktan para sa isang kaibigang tunay na nagmahal sayo pero hindi mo ipinaglaban! Nalunod ka sa sulsol ng mga tao sa iyong paligid. Ngunit iyon ay iyong desisyon.

Ngayon, sa muling pagharap mo sa kumunidad na ito, nasumpungan mo ang isang taong higit kesa dun sa dating minahal mo, ano ang ginagawa mo? Tulad pa din ba noon na hindi marunong tumayo sa mga nadesisyunang bagay?

Ano ba ang mas tamang gawin? Sa parte ko ako'y nasaktan din ng hindi sinasadyang masaktan kita. Ang nais ko lang naman tuyuan mo ang desisyon mo. Nasaktan ako ng patuloy ang pagtanggi mo sa isang bagay na nagmumura na sa harap ng marami, kitang kita na! Nasaktan ako ng hindi naging maganda ang iyong naging pagtatapos. Sabagay, wala din naman talagang magandang sumula hindi ba? Wala ka naman kasing inamin eh.

Iniisip ko tuloy, ano nga ba ang mas tamang gawin? Ang hindi na lang makialam dahil pag ako'y nakialam masasaktan kita, hindi mo lang maiintindihan? O mas mabuting makialam ngunit sa pagkakataong ito ay pilit kong ipapaintindi sa 'yo?

Naririnig kong sinasabi ko sa sarili kong patuloy mo syang mahalin at makiaalam ka. Kung tama ito, ipagdarasal kong bigyan tayo pareho ng masmalawak na kaisipan. Gusto ko kasi wag mo ng danasin ung mga sakit. Kung alam mo lang...

No comments:

Post a Comment